Çfarë është bibla e shenjtë?

 

Artikulli i At George C. Papademetriou,
nga libri "Studime mbi Ortodoksinë", 2012.

 

Parathënie

Në përvojën time si prift, unë kam vënë re se shumë besimtarë orthodhoksë nuk janë të mirë informuar përsa i përket Shkrimeve të Shenjta.  Kjo më nxiti që shkurtimisht të nënvizoj mësimet që i përkasin Biblës sonë të Shenjtë dhe mënyrave me anë të të cilave ne kuptojmë të vërtetën që na u shfaq, që është Zoti dhe Shpëtimtari ynë Jisu Krishti.

Kriteret e besimit në tonë Orthodhokse, Katholike dhe Apostolike, janë Tradita e Shenjtë dhe Bibla e Shenjtë.  Të dyja këto burime të Zbulesës Hyjnore kanë një autoritet dhe rëndësi të njëjtë në jetën e Kishës.  Për këtë arsye, çdo i krishterë orthodhoks i vërtetë duhet të dijë se çfarë na mëson Kisha përsa i përket burimeve të besimit tonë të shenjtë.  Tradita e Shenjtë janë mësimet e Etërvë të Shenjtë që e kanë zanafillën që nga predikimet e Apostujve.  Tradita e Kishës së Shenjtë është e vërtetë, sepse ajo është Apostolike në përputhje dhe harmoni me doktrinën e Apostujve.

Holy Gospel

Bibla e Shenjtë, Dhiata e Vjetër dhe Diahta e Re është fjala e shkruar e Zotit.  Në këtë përmbledhje të shkurtër unë do përpiqem të shpjegoj mësimet e krishtera orthodhokse që kanë lidhje me Biblën e Shenjtë dhe me rolin e saj shumë të rëndësishëm në përkushtimin shpirtëror të krishterë orthodhoks.  Qëllimi im është që të informoj besimtarët orthodhoksë rreth Shkrimeve të Shenjtë në këtë permbledhje të shkurtër.

Shënim: 
Termi "Orthodhokse, Katholike" nënvizon dhe shpreh karakterin Universal të Kishës sonë dhe misionit të saj.  Kisha, që u themelua nga Jisu Krisht, u përhap nga Apostujt e Shenjtë, u mbrojt nga Martirët e Shenjtë dhe Etërit e Shenjtë, formuloi Besimin e saj të vërtetë nëpërmjet Sinodeve Ekumenike, që është Një Kishë, "Orthodhokse Katholike", të cilën pohojmë në Simbolin e Besimit.

Bibla e Shenjtë dhe Besimtarët

Kisha tonë e Shenjtë Orthodhokse thekson përdorimin e shpeshtë të Shkrimit të Shenjtë në adhurimin tonë në Kishë dhe në studimin personal në shtëpi.  Interpretimi i Shkrimeve të Shenjta duhet të jetë në përputhje me "mendjen e Kishës".  Kur ndonjë njeri mundohet të interpretojë Shkrimet e Shenjta sipas mendjes dhe gjykimit të tij, ky njeri rrezikon të bëjë gabime të rënda për shkak të krenarisë dhe arrogancës.  Icon: Baptism of Jesus ChristAti ynë ndër shenjtorët Shen Joan Gojarti, e krahason Biblën e Shenjtë me ilaçin.  Me përdorimin e duhur Bibla e Shenjtë është ilaçi për të shëruar shpirtrat tanë dhe mund të na drejtojë në mënyrë të sigurtë drejt mirëqenies dhe shpëtimit, ndërsa injoranca ndaj Shkrimeve të Shenjta mund të na çojë në një shkatërrim shpirtëror.  Studimi i Biblës së Shenjtë është i nevojshëm për ngritjen dhe ndriçimin e jetës shpirtërore të çdo njeriu me Krishtin.  Kisha dëshiron që çdonjëri që ndjek Jisu Krishtin si Shpëtimtarin e tij, të këtë në zotërimin e tij dhe ta përdorë Fjalën e Zotit.  Ungjilli simbolizon Birin e Perëndisë të mishëruar.  Kur Ungjilli lexohet në Kishë, besimtarët qëndrojnë në këmbë për të nderuar shpalljen e Lajmit të Mirë.

Në vitet e fundit është shkruar shumë nëpër gazeta përsa i përket librave të shenjtë të Biblës dhe njerëzit në menyrë të pakujdesshme pranojnë çfarë lexojnë ata vetë nëpër gazeta.  Kjo, natyrisht mund të jetë e rrezikshme, sepse ne nuk duhet vetëm të lexojmë rreth Biblës, por duhet të hulumtojmë në thellësitë e të vërtetës së shfaqur të Zotit, ashtu siç shprehet në Bibël, duke lexuar vetë Shkrimet e Shenjta.  Gjithashtu, shumë është thënë përsa i përket të ashtuquajturës "librat e humbur të Biblës".  Kjo është një deklaratë e gabuar sepse Bibla është e plotë ashtu "siç u dorëzua tek shenjtorët" dhe ata tek ne.  Asnjë nga librat e vërtetë të Biblës sëë Shenjtë nuk ka humbur ndonjëherë.  Kisha e ka ruajtur Biblën e Shenjtë të plotë dhe të pa ndryshuar gjatë gjithë kohërave.  Të ashtuquajturit "librat e humbur të Biblës" janë librat apokrifë, të cilët janë refuzuar nga Kisha q ne fillim.  Bibla është ruajtur në Kishë si një dëshmi e gjallë për Jisu Krishtin dhe nëpërmjet saj të krishterët e të gjithë kohërave janë udhëhequr drejt jetës së përjetshme.

Varianti i pranuar i Biblës në Kishën tonë

Kisha Orthodhoke përdor përkthimin grek të Septuaxhintës të Dhiatës së Vjetër dhe përkthimin origjinal grek të Diatës së Re.  Septuaxhinta u përkthye nga 72 studiues në Egjipt gjate shek. III përpara Krishtit nën rejimin e Ptolemeut II.  Ky variant është përdorur gjerësisht nga hebrenjtë e asaj kohe.  Zoti ynë i bekuar e ka përdorur këtë variant kur bënte citime në Bibël.  Apostujt e shenjtë e kanë përdorur këtë variant dhe kanë nxjerrë citate gjerësisht në shkrimet e tyre në librat e Dhiatës së Re.  Varianti grek i Biblës është përdorur nga Kisha që në fillim.  Apostujt shkruan në greqisht sepse ishte gjuha universale e asaj kohe.  Varianti i Septuaxhintës, i Dhiatës së Vjetër dhe varianti origjinal grek i Dhiatës së Re janë përdorur gjerësisht nga Etërit e shenjtë dhe Kisha Orthodhokse Katholike.  Sot, Kisha jonë në të njëjtën mënyrë ruan vërtetësinë e këtij varianti.  Megjithatë, Kisha jonë nuk ka shpallur një variant zyrtar të përkthimit në gjuhën shqipe.  Ky perkthim që pritet, do të jetë një ndihmë shumë e madhe për Kishën Orthodhokse Katholike në Shqipëri dhe në vendet e diasporës shqiptare.  Kjo do ta pasurojë shpirtin e Orthodhoksisë duke patur një përkthim të Biblës së Shenjtë të realizuar nga teologë orthodhoksë.  Të shpresojmë që një përkthim i tillë do të merret në konsideratë nga drejtuesit e dashur të Kishës dhe që së shpejti të bëhet realitet.  Për momentin, unë rekomandoj që besimtarë orthodhoksë të përdorin Biblën e zakonshme (Variantin katolik) për studim dhe meditim.

Përse dy dhiata (testamente)?

Ju mund të pyesni përse ne kemi dy Dhiata ose testamente.  Bibla e Shenjtë është një koleksion, ose më saktë dy koleksione të librave të besimit tonë të shenjtë.  Koleksioni i parë është bërë përpara mishërimit të Zotit tonë dhe u trasëgua nga Kisha Orthodhokse prej hebrenjve, të cilët isin populli i zgjedhur ardhjes dhe qëndrimit në botë të Zotit dhe Shpëtimtarit tonë, Jisu Krishtit.  Në vazhdimësi ky është misioni i Kishës - të mësojë të gjithë kombet.  Dhiata e Re, si Fjala e Zotit flet për Atë që e themloi Kishën dhe që premtoi se as "dyert e ferrit nuk do ta mundin atë", "deri në fund të botës".



Rreth kësaj serie artikujsh

Studime mbi Orthodhoksinë, prezantohet këtu për të informuar ata njerëz që nuk janë krishterë orthodhoksë, por që po konsiderojnë pagëzimin dhe Krishtërimin të bëhen anëtarë të Kishës Orthodhokse, si dhe për të gjithë ata që dëshirojnë të thellojnë njohuritë e tyre të adhurimi hyjnor dhe tradita Apostolike.

Ato u shkruan nga At George C. Papademetriou, profesor i fakultetit të Holy Cross Greek Orthodox Theological School në Brookline, Massachusetts.